英格蘭神童爭奪戰 多蒙特又搶贏曼聯

20200703
東網電視
更多新聞短片
目前效力英冠伯明翰,剛滿17歲嘅英格蘭中場祖迪比寧咸,一直都係曼聯重點獵物,可惜「紅魔鬼」今次好有可能繼艾寧夏蘭特之後,再次搶輸畀德甲勁旅多蒙特。
多蒙特不嬲用年輕球員都有一定心得,查頓辛祖、艾寧夏蘭特、基奧雲尼雷拿等就係最好例子。唔知係咪因為咁,據報祖迪比寧咸亦決定加盟多蒙特,相信加盟「大黃蜂」之後佢嘅表現一定可以更上一層樓。
祖迪比寧咸身高1米80,今季英冠已經為伯明翰上陣35場,錄得4入球同2助攻,被譽為英格蘭本土最具潛質新星。據報祖迪比寧咸轉會手續好快就會完成,雙方將會簽約5年,轉會費為2,100萬英鎊。