國米提出買斷A山　曼聯要求呢個價錢

即上韓職刨績王：https://win.on.cc/football/league/kd1/rank.html　

國際米蘭考慮今年夏天買斷智利球星阿歷斯山齊士，並開始同曼聯開啟談判。根據《GOAL》報道，國米教練干地希望留住A山，頂替可能喺夏天離隊嘅拿達路馬天尼斯，而曼聯方面就提出，要求1,800萬鎊轉會費。

31歲嘅阿歷斯山齊士今季由曼聯外借到國際米蘭，雖然出場13次只攻入2球，不過干地認為佢仲有潛力可提升，尤其佢喺上場意甲貢獻1入球2助攻，帶領國際米蘭以6比0大勝布雷西亞，睇落狀態正在冒升。

另外，國米希望A山可以參加今季剩餘嘅歐霸盃，但曼聯方面就唔係幾想，因為紅魔鬼都要爭奪歐霸盃，佢哋唔想為潛在嘅爭冠對手國米增加籌碼。