廢柴變功臣!梅斯達菲將獲續約

20200706
東網電視
更多新聞短片
(Getty Images)
阿仙奴中堅梅斯達菲近年因為經常犯錯,被球迷寸係「防線炸彈」,並多次傳出球會打算出售佢。不過,呢位28歲德國國腳自從英超復賽之後,表現脫胎換骨,成為防線大將,有傳阿仙奴管理層已準備同佢續約。
阿仙奴早前連續不敵曼城、白禮頓之後,近3場英超都贏波,而且保持不失球,其中大勝諾域治4比0、贏狼隊2比0,梅斯達菲都擔任正選,成為領隊阿迪達「3人防線」陣式嘅重要一員。
阿迪達難得搵到改善後防嘅方法,自然希望沿用呢個陣式,對梅斯達菲愈來愈器,並出聲力撐佢,話任何人都有可能犯錯,最重要係幫助每位球員進步,明顯指梅斯達菲已經比以前出色。
周薪達8萬鎊嘅梅斯達菲將於明年約滿,連表現備受批評嘅大衞雷斯早前都獲得續約,相信梅斯達菲都會獲得新合約。