【經典】蘇亞雷斯3次咬人！令FIFA修例

即上韓職刨績王：https://win.on.cc/football/league/kd1/rank.html　

要講球壇咬人經典，一定會諗起「哨牙蘇」蘇亞雷斯，佢嘅咬人事件「履歷」都相當出色，職業生涯有紀錄以來都試過3次。

除咗大家都好印象深刻嘅2014年世界盃，蘇亞雷斯咬意大利中堅基亞連尼之外，阿蘇嘅咬人紀錄多籮籮，早係2010年，佢效力阿積士時，對阿積士一仗因為一名球員被紅牌趕出場，阿蘇突然咬向對方球員巴卡爾膊頭，當時球證睇唔到，巴卡爾向球證展示牙印都冇理會，最後荷蘭足總睇番錄影帶，判罰阿蘇停7場。

跟住2013年利物浦對車路士嘅英超戰，當時效力利物浦嘅阿蘇係一次身體碰撞時，佢突然咬向伊雲洛域，事後英足總重罰阿蘇停賽10場。

其實，世界盃嘅咬人事件之後，蘇亞雷斯再被揭發原來在烏拉圭踢波嘅時候已經有5次咬人紀錄，因為怕被國際足協知道，所以當時烏拉圭足總唔公布。

隨後阿蘇喺世界盃發生咬人事件，國際足協(FIFA)喺2018年嘅世界盃就修改規則，將「禁止咬人」列為世界盃規例之一，而咬人嘅球員將被罰紅牌，好多人都笑稱呢條規例為「蘇亞雷斯規則」，拉素後衞柏特歷加巴朗今次就係中咗「蘇亞雷斯規則」。