莫耶斯仲有魔性!要簽連格鍾斯

20200708
東網電視
更多新聞短片
(Getty Images)
韋斯咸領隊莫耶斯雖然以前執教曼聯期間,失敗收場,但仍然有一份「魔性」,鍾情紅魔鬼球員,根據英國《獨立報》爆料,莫耶斯希望今夏簽入2位曼聯「邊緣人」連格及菲爾鍾斯。
據悉,如果韋斯咸護級成功,莫耶斯就會對球隊進行大改革,包括簽入連格及菲爾鍾斯。「莫天才」2013/14年球季執教曼聯期間,同菲爾鍾斯合作過,非常欣賞呢位28歲英格蘭國腳可以勝任多個防守位置,韋斯咸防線人腳參差不齊,好需要菲爾鍾斯呢種大將。莫耶斯亦希望提升中場進攻力,連格都啱佢需要。
有傳曼聯領隊蘇斯克查計劃今夏清洗5至6位後備球員,籌集資金收購新球員,連格及菲爾鍾斯都係被清洗嘅熱門人物,難得依家有球會願意簽佢哋,相信紅魔鬼好大機會放人。