闖歐助球隊提早奪7連霸　韋婉婷望贏波謝幕

香港女足代表韋婉婷自上月尾加盟阿爾巴尼亞女足班霸維拉斯尼亞（Vllaznia）以來，持續獲得正選上陣的機會。「韋婉」上仗於周三（8日）正選上陣半場並取得入球，協助維拉斯尼亞以12比1大炒Kinostudio，球隊提早一輪鎖定冠軍之餘，亦達成聯賽7連霸的創舉。

維拉斯尼亞周六（11日）原定作客對Tirana AS的聯賽煞科戰，獲特別安排移師往可容納逾萬人的維拉斯尼亞男足主場Loro Borichi Stadium舉行，而「韋婉」則表示只有一個明確目標︰「拎咗冠軍當然係開心，但係比賽依舊都係要咁樣踢。球隊本身作客都安排畀我哋喺主場踢，希望能夠以勝利嚟完結今個球季。」