【金靴爭逐】C朗未絕望　美斯要場場大四喜

即上英超刨績王：https://win.on.cc/football/league/epl/rank.html　

西甲、英超同意甲仍然打得火熱，邊個係歐洲金靴仲鬥得激烈，幫拜仁捧盃嘅羅拔利雲度夫斯基雖然家陣以34球領先，但C朗要爭攞金靴未係絕望。

C朗自復賽以來都打得唔錯，祖記周六深夜如果再攞多3分，捧走意甲就愈來愈近，呢位葡萄牙球星家陣仲有機會爭奪歐洲金靴，佢今季嘅累積入球暫為26球，落後目前排第一嘅拜仁射手羅拔利雲度夫斯基8球，未來7輪賽事如果開火發力，再奪金靴絕對不是無機會。

反觀同佢鬥生鬥死嘅美斯，要爭歐洲金靴基本上已經無機，落後「羅拔仔」12球好難追，加上西甲只剩最後3輪，美斯要平均每場入4粒先掂，睇番美斯近6場僅入1球，巴塞近態麻麻，當前的形勢，對美斯嚟講應該想贏波多過入波啦，如果再失分，就真是神仙都難救。