一日3操！阿古路強勢復出爭歐聯

即上英超刨績王：https://win.on.cc/football/league/epl/rank.html　

曼城喺足總盃出局後，今季最後一個目標就係歐聯，陣中王牌前鋒阿古路自英超復賽第2場受傷後，一直唔能夠復出，令人擔心佢今季提早收咧。

不過英國《每日郵報》報道，阿古路近期傷勢大大好轉，依家每日去GYM房操3次，預計未來幾日可以出球場跑步，目標係喺8月重開嘅歐聯復出。

曼城喺歐聯16強首回合作客2比1贏皇家馬德里，8月8號將會展開次回合賽事，雖然阿古路呢場波復出有啲「忟水」，但球會有信心如果曼城順利晉級，阿古路好大機會可以喺8強復出。

阿古路今季受到傷患困擾，各項賽事只係上陣32場，但仍然拎到24個入球，佢嘅數胡能力絕對係曼城爭奪歐聯冠軍嘅重要武器。