真情流露！占士米拿爆粗寸曼聯去「打J」

即上英超刨績王：https://win.on.cc/football/league/epl/rank.html　

利物浦正式舉起球會史上首個英超冠軍獎盃，全球「紅軍」當然High到爆燈，就喺球會嘅慶祝儀式入面，利物浦老臣子占士米拿就真情流露，公然對住攝影鏡頭爆粗羞辱死敵曼聯！

「紅軍」贏車路士後舉行連串慶祝派對，唔少球員都舉機拍攝呢個歷史性時刻，不過英國傳媒就發現，喺韋拿杜姆所嘅IG直播入面，占士米拿竟挑釁曼聯。當時韋拿杜姆化身記者問：「你已經有3個英超冠軍？(米拿隨曼城贏過2次英超)」占士米拿就回應：「Yeah！不過每一次(奪冠)都唔同，我之前只係得藍色絲帶(曼城顏色)，今次係我第1次想要紅色絲帶，以前紅色絲帶都係畀曼聯.......Fxxking Wxxxxxx(手淫者)！」

占士米拿寸爆曼聯片段：https://bit.ly/2WOWWv1　

韋拿杜姆聽到後即刻爆笑，並且示意占士米拿佢做緊直播，不過占士米拿同其他隊友就繼續沉醉喺快樂之中，韋拿杜姆最後就以一句「Who Cares」作結。