曼聯將簽魯爾占美尼斯 狼隊已搵替補

2020年08月01日 09:00
東網電視
更多新聞短片
曼聯落實重返歐聯後,積極物色頂尖球星加強戰力,據葡萄牙廣播電視公司(RTP)報道,曼聯已經接近收購狼隊前鋒魯爾占美尼斯,雖然報道未有公布轉會費,但估計狼隊叫價至少6,000萬英鎊,報道更指「超級經理人」佐治文迪斯係今次轉會嘅幕後推手。
RTP報道指出,佐治文迪斯已經為狼隊安排接任人選,布拉加前鋒保連奴費南迪斯將會以3,000萬鎊來投,現年29歲嘅魯爾占美尼斯就可以轉投「紅魔鬼」。墨西哥前鋒魯爾占美尼斯今季英超入17球,而且踢法相當全面,躋身世界頂尖射手之列。
事實上,墨西哥國家隊領隊馬天奴早前亦表示,魯爾占美尼斯非常適合曼聯:「作為外人去睇曼聯,佢哋依家個陣冇一個正宗9號,曼聯有拉舒福特、安東尼馬迪爾同格連活特等前鋒,但佢哋都係邊路球員,自從盧卡古離隊之後,曼聯就欠缺魯爾占美尼斯呢類純9號箭頭。」