【英足盃】專攻「地雷斯」？林柏特咁睇
20200801
東網電視
更多新聞短片
車路士英足盃決賽大戰阿仙奴，倒戈嘅「兵工廠」中堅大衛雷斯成為焦點，呢位巴西球星自英超復賽後多次犯錯失波，外界估計車仔領隊林柏特會集中火力，專攻阿仙奴呢個死穴，不過林柏特賽前就有另一個睇法。
被問到係咪會重點打擊大衛雷斯，林柏特回應：「我從來冇咁諗過，點樣備戰呢場比賽我係唔會公開，但我對大衛雷斯只有尊重，我同佢以隊友身份一齊贏2012年歐聯冠軍，知道佢喺團隊入面有幾大影響力。當我備戰對阿仙奴，我知道大衛雷斯可以有幾好表現，我對佢嘅睇法係好正面。」