玩晒！「新謝拉特」奪英超B足球先生

即上韓職刨績王：https://win.on.cc/football/league/kd1/rank.html　

利物浦今季橫掃英超，隊長佐敦軒達臣早前眾望所歸獲選為英格蘭足球先生，估唔到連綽號「新謝拉特」嘅居迪斯鍾斯，周五(31號)亦都當選英超B年度最佳球員，真係畀「紅軍」玩晒！

2016年成立嘅英超發展開賽(英超B)，形式類似青年軍+預備組賽事，主要係由U23球員參加，現年19歲嘅利物浦中場居迪斯鍾斯，就成功擊敗車路士新星比利基莫亞等勁敵，獲選年度最佳球員。居迪斯鍾斯今季喺英超B拎到9個入波同4次助攻，而且成功打入利物浦一隊，上月對維拉更拎到首個英超入球，前途無可限量。

居迪斯鍾斯係歷來第4個英超B足球先生，上季得主係白禮頓前鋒艾朗干洛尼，之前2個分別係阿仙奴嘅雷斯尼爾遜(17/18球季)同依家踢緊錫菲聯嘅前鋒奧利華麥貝尼(16/17球季)。