買唔到紐卡素　沙特王儲轉斟AC米蘭

足球博彩神器，每日重心提供盡在《彩報》：http://win.on.cc/football/　

沙特王儲控制嘅財團收購紐卡素落空，轉個頭佢哋又有新目標，意大利消息，王儲正評估收購昔日豪門AC米蘭嘅可能性，如果成事，AC米蘭勢必成為全球最有米球會，重建米蘭王朝話咁易！

消息稱，沙特主權基金退出紐卡素收購行動之後，已將目標轉向意甲，目標鎖定AC米蘭，並進行財務評估，該財團認為，AC米蘭現時財務情況健康，適合財團收購；其實早前意大利傳出消息，沙特財團在洽購紐卡素期間，同時有意收購另一支意甲球隊羅馬，不過羅馬會方否認傳聞。

報道並未披露收購金額，不過以AC米蘭名氣，符合沙特財團形象，A米贏過18次意甲冠軍及7次歐冠及歐聯冠軍，不過對上一次意甲封王已是2010至11年，假如沙特財團入主，肯定可以重建輝煌。