奧咸又搵到星級主帥　今次係基維爾

足球博彩神器，每日重心提供盡在《彩報》：http://win.on.cc/football/　

英乙下游球隊奧咸又換主帥，今次佢哋請到前列斯聯及利物浦球星基維爾執掌教鞭，成功吸引傳媒注視，因為呢間球會2年來已經換咗7位領隊，當中包括前曼聯名宿史高斯。

列斯聯今季衝超成功，來季重返英超，令球迷勾起唔少昔日列斯聯風光日子嘅回憶，前鋒澳洲國腳基維爾正係列斯聯全盛期成員之一，今次奧咸食住呢個集體回憶浪潮，請來基維爾執教，可以話係一次成功宣傳。

奧咸之前都搵過星級主帥，例如去年就曾經由前曼聯名宿史高斯執教，不過史高斯僅在任1個月、領軍7場就辭職；至於41歲嘅基維爾，2014年掛靴後曾到過英格蘭低組別聯賽執教，2018年離開諾士郡就冇做嘢，等到依家復出。