華拉尼2次派膠 曼城雙殺皇馬晉級

20200808
東網電視
更多新聞短片
(Getty Images)
周六(8號)凌晨歐聯16強次回合大戰,曼城主場2比1擊敗皇家馬德里,兩回合計贏4比2晉級8強,「雙殺」皇馬盡顯冠軍相!皇馬今場輸波罪人必屬中堅華拉尼,呢位法國球星兩次「派膠」失波。
首回合領先2比1嘅曼城,今場喺奇雲迪布尼控制中場下繼續向皇馬施壓,而且開波9分鐘就有收穫,皇馬當時喺禁區內「猜波」,但華拉尼竟然被加比爾捷西斯逼甩,後者第一時間傳畀門前史達寧輕鬆射入。
皇馬劣勢下反撲,28分鐘憑賓施馬頭槌頂入追番1球,但去到68分鐘華拉尼又再出事,佢頭槌回傳畀門將唔夠力,造就加比爾捷西斯單刀挑入空門。
皇馬再失後已洩氣,最後20分鐘連1次射門都冇,曼城順利殺入8強,將會大戰法甲勁旅里昂。