最後3場！盧卡古仲有機會超越「大哨」

足球博彩神器，每日重心提供盡在《彩報》：http://win.on.cc/football/　

盧卡古今季為國際米蘭於各項賽事，已經攻入30球，追平迪亞高米列圖，成為球隊史上第4位單季入波達「30+」嘅球員，另外2位係伊度奧(37球)、「大哨」朗拿度34球。

如果國米可以一直打入歐霸盃決賽，盧卡古就仲有3場機會可以超越「大哨」，甚至一舉打破伊度奧嘅紀錄。

盧卡古今季意甲入咗23球，意大利盃2球，歐洲賽5球，剛好30球。在此之前，只有3位國米球員可以做出呢個成績，包括1997/98年球季嘅朗拿度(34球)、2009/10年球季嘅迪亞高米列圖(30球)、2010/11年球季嘅伊度奧(37球)。

雖然盧卡古落後第2位朗拿度4球，但呢位比利時國腳今屆歐聯及歐霸盃合共上陣8次，攻入5球，入球率非常高，如果佢可以再上陣多3場，絕對有機會入到4球或以上。