8強未踢　下季歐聯外圍賽又準備開波

足球博彩神器，每日重心提供盡在《彩報》：http://win.on.cc/football/

今季歐聯賽程因新冠肺炎疫情被迫延後，直到近日復賽，8強分子先至啱啱出爐，不過今屆未踢完，來屆2020/21歐聯資格賽已經開波，下周更會上演多場第一圈外圍賽，其中蘇超班霸些路迪，將會面對冰島球隊雷克雅維克，意味兩屆歐聯賽期將出現重疊情況。

由於疫情關係，來屆所有第一圈外圍賽都會以一戰定勝負，些路迪暫定將於18或19號主場出擊，不過比賽依然有改為於中立場的可能性，除了這支蘇超代表之外，第一圈外圍賽分子仲包括貝爾格萊德紅星、卡拉巴克和佐加頓斯等球隊。而歐聯第二圈外圍賽，預計將於同月25或26號上演。

些路迪過去一季喺主帥連儂帶領下，捧起蘇超同蘇聯盃冠軍，至於歐戰方面，佢哋先喺歐聯第三圈外圍賽被淘汰，轉戰歐霸後再於32強止步。早前新一季蘇超已經率先開打，些路迪暫時取得1勝1負。這支蘇超勁旅上次同雷克雅維克於歐聯交手，已經係2014/15賽季，當時些路迪以總比數5比0成功晉級。