又係綠帽惹的禍 阿特蘭大出局因少咗佢
20200813
東網電視
更多新聞短片
(Getty Images)
阿特蘭大喺歐聯8強悲壯出局，令好多球迷感到可惜，呢支意甲神奇球隊近年極速冒起，中場靈魂人物伊利錫居功厥偉，但呢位32歲斯洛文尼亞國腳因為疑似「戴綠帽」，自7月11日對祖雲達斯後，一直「人間蒸發」，以「私人原因」缺陣，令到球隊缺少1位進攻大將，為今場輸波埋下伏線。
伊利錫3年前由費倫天拿加盟阿特蘭大之後，成為球隊崛起嘅骨幹人物，上季意甲入11球，協助阿特蘭大取得歐聯入場券。佢今季表現更加出色，踢26場意甲攻入15球，創出職業生涯單季最多入球紀錄。
阿特蘭大今屆歐聯16強對華倫西亞，伊利錫兩回合合共轟入對手5球，包括次回合上演「大四喜」。聞戰鼓思良將，眼見阿特蘭大今場只差一步就可以晉級，令人更加懷念伊利錫。
當然世界上冇如果，但相信如果伊利錫今場在陣，賽果將會完全唔同。「綠帽」造成嘅蝴蝶效應，唔止可以引發社會動盪、大國對立，亦會摧毀一支球隊嘅夢想。
【延伸閱讀】伊利錫神秘返國唔踢歐聯 網上瘋傳戴綠帽