即上韓職刨績王：https://win.on.cc/football/league/kd1/rank.html　

根據意大利《都靈體育報》爆料，國際米蘭會長張康陽已於當地時間上周四(13日)返到米蘭，並會親自去德國杜塞爾多夫，睇歐霸盃4強國際米蘭對薩克達，賽後可能會決定教練干地去留問題。

由於新冠肺炎大爆發，張康陽3月離開意大利之後，就一直冇返去國米總部，只能夠透過網上會議同球會高層溝通。隨住疫情好轉，呢位「太子爺」終於返米蘭主持太局，包括處理教練干地去留問題。

干地早前炮轟管理層冇保護球隊，又唔認同佢嘅教波成績，一度傳出要辭職。張康陽依家「回朝」，並會去德國杜塞爾多夫督師，就可以親自同干地溝通。

據悉，張康陽會同球隊一齊食晚餐，跟住入場睇波，如果國米打入決賽，預料佢會挽留干地，但如果出局，恐怕就會「成全」干地，送佢一程。