巴塞準備換血　阿蘇碧基有後路

足球博彩神器，每日重心提供盡在《彩報》：http://win.on.cc/football/　

朗奴高文正式上任成為巴塞隆拿主帥，由於時間無多，西班牙傳媒報道指佢已經着手整頓球隊，準備手起刀落踢走5位老將，計有蘇亞雷斯、碧基、布斯基斯、拿傑迪錫同維達爾，消息一出，阿蘇同碧基立即吸引各隊探盤。

報道指，在得知哨牙蘇將被朗奴高文棄用，其母會阿積士即時出手，願意開出1500萬歐元轉會費收購呢位33歲射手，報道仲話，雖然阿蘇希望繼續留喺巴塞，但佢同巴塞僅餘1年合約，亦唔打算續約，所以決定將佢出售。

碧基在2比8大敗於拜仁慕尼黑賽後就表示，假如有合適人選取代佢，佢就會離開，英超升班球隊富咸立即向巴塞探盤，希望年屆33歲嘅碧基重返英超，幫富咸打天下。