【歐聯爭霸】UEFA主席：改制1場過有得諗

足球博彩神器，每日重心提供盡在《彩報》：http://win.on.cc/football/　

由於疫情影響，今屆歐聯同歐霸盃部分淘汰賽改為1場過定勝負，歐洲足協主席施費林表示，由8強開始，收到好多圈內同圈外人士私訊自己，話改咗1場過之後，啲比賽仲緊張刺激，施費林稱，正積極研究有關改制安排。

施費林表示，呢個長遠嘅大轉變，會令球賽更加刺激，佢唔擔心因為球賽少咗，影響門券及直播收入：「1場過無疑令賽事少咗，但每1場含金量又高咗，吸引力同樣高番。」

不過，由於8強涉及嘅隊伍同場數較多，施費林嘅個人意見，係4強開始轉為賽會制，但佢話自己持開放態度，有關建議將會喺9月及10月嘅歐洲足協會議攞出嚟傾，睇吓球圈人士意見。