不一樣的凱旋 紐亞霸氣帶冠軍盃回歸

20200825
東網電視
更多新聞短片
(Getty Images)
足球博彩神器,每日重心提供盡在《彩報》:http://win.on.cc/football/ 
強勢奪走歐聯冠軍嘅拜仁慕尼黑,周一凱旋回歸巴伐利亞州,由於新冠肺炎疫情下,昔日萬人空巷嘅歡迎儀式不見,但仍不掩拜仁球員嘅興奮。
德國巴伐利亞州州長澤德親自到機場迎接,當飛機抵埗時,特別安排水門儀式,向飛機射手相當有氣勢,並且舖上紅地氈歡迎一班奪標英雄,簡單而隆重。中場堤亞高艾簡達拿第一個踏出飛機,隨後就係門神紐亞帶住獎盃落機,射手羅拔利雲度夫斯基戴住「黑超」型到爆,而所有球員都穿上印有「Triple 2020」(三冠2020)字樣的黑色T恤,阿拉巴更加抱住喺冠軍戰贏巴黎聖日耳門1比0嘅「冠軍波」回歸。
過去拜仁奪標而回,都會帶住冠軍獎盃到慕尼黑市同球迷分享喜悅,不過由於疫情嘅關係,今年佢哋只會喺安聯球場舉行私人慶功。
拜仁一眾球員會放假兩個星期,跟住就要準備新一季比賽,將會先出戰德國盃。