【官宣】曼聯續約軒達臣　人工高過艾利臣

足球博彩神器，每日重心提供盡在《彩報》：http://win.on.cc/football/　

曼聯周四(27號)官方宣布，球會同23歲門神甸恩軒達臣續約5年去到2025年，周薪高達12萬英鎊，人工比起利物浦門將艾利臣比加(周薪9萬鎊)仲要高！曼聯畀咁高人工甸恩軒達臣，意味佢唔會只係2號門將，令西班牙門將迪基亞離隊可能性大大增加。

曼聯同甸恩軒達臣新簽嘅5年合約，仲包括延長1年合約條款，呢位新晉英格蘭國腳簽約後表示：「我過去5年嘅發展好好，包括喺錫菲聯獲得非常寶貴嘅經驗，呢份合約對我意義重大，代表球會同領隊對我嘅信心。」

甸恩軒達臣周薪加到去12萬鎊，雖然同迪基亞嘅36萬鎊周薪仲有大段距離，但呢個人工基本上係所有球隊嘅「正選門將價」，甚至比起利物浦門將艾利臣比加嘅9萬鎊周薪高，曼聯絕對唔想留一個「高薪後備」喺陣中，上季頻頻犯錯嘅迪基亞好大機會被犧牲。