堅嘥歐聯席位　些路迪連續3屆外圍賽出局

足球博彩神器，每日重心提供盡在《彩報》：http://win.on.cc/football/　

些路迪喺本土賽事也文也武，連續9季奪得蘇超冠軍，但去到歐聯慘變成魚腩，喺周四(27日)凌晨歐聯第2圈外圍賽，主場1比2不敵匈牙利球隊費倫斯華路士，連續3屆外圍賽出局，需要轉戰歐霸盃，損失3000萬鎊收入。

今屆歐聯外圍賽以1場決定勝負，些路迪上圈淘汰雷克雅維克，但今場對住費倫斯華路士，卻處於劣勢，開波7分鐘就失守，雖然之後由基士堤入波扳平，但比賽後段又失守，輸1比2出局。賽後些路迪領隊連儂批評球員毫無鬥心，完全唔想晉級咁款。

些路迪上2屆歐聯起碼可以晉身第3圈外圍賽，但今屆第2圈就出局，表現不進反退，亦反映蘇場超水平低，即使班霸都冇能力喺歐聯外圍賽立足。