官宣！列斯聯破球會紀錄簽蝙蝠兵

足球博彩神器，每日重心提供盡在《彩報》：http://win.on.cc/football/　

闊別16年重返英超嘅列斯聯成功增兵，官方周六(29日)宣布，簽入華倫西亞前鋒洛迪高摩連奴，簽約4年，傳媒報道，該29歲前鋒轉會費為2600萬鎊，打破列斯聯球會紀錄，不過上一個紀錄已經係20年前嘅里奧費迪南，當年佢由韋斯咸過檔列斯聯，用咗1800萬鎊。

其實在列斯聯官宣之前，華倫西亞早於日前已向洛迪高摩連奴告別，感謝佢過去6年對球會嘅貢獻，並祝佢喺英超一切順利；至於洛迪奧摩連奴早年效力賓菲加期間，就曾外借到英超保頓，上陣17場入1球，因此對英超並不陌生。

洛迪高摩連奴係2018世界盃西班牙國腳，上季為華倫上陣34場入7球11次助攻，對於今次轉會，佢就話自己想接受新挑戰，所以嚟到列斯聯。