列斯聯未收手　力斟阿根廷中場

即上韓職刨績王：https://win.on.cc/football/league/kd1/rank.html　

16年後重返英超嘅列斯聯，今夏轉會市場非常活躍，已經先後引入洛迪高摩連奴同羅賓高治兩位國腳級猛將，不過主帥比爾沙似乎絕對未夠喉，又睇中效力烏甸尼斯嘅阿根廷進攻中場迪保羅，希望進一步加强球隊進攻力。

26歲嘅迪保羅，同洛迪高摩連奴一樣曾經效力西甲球隊華倫西亞，2016年加盟烏甸尼斯之後，表現開始成熟，過去一季意甲為射入7個入波，貢獻6次助攻，搶鏡演出引起唔少意甲豪門關注。去年更因此入選阿根廷美洲盃大軍，帶領國家隊殺入4強。迪保羅2019年10月同烏甸尼斯續約，去到2024年到期。

呢位阿根廷國腳被標價2700萬歐元(折合約2億5000萬港幣)，如果列斯聯可以滿足到烏甸尼斯嘅要求，有望繼早前簽入洛迪高摩連奴之後，再一次刷新呢支英超新升班球會嘅轉會費記錄，可見為咗滿足比爾沙嘅要求，列斯聯絕對不惜工本。