迪布尼篤灰　經理人瞞報賬目被捕

足球博彩神器，每日重心提供盡在《彩報》：http://win.on.cc/football/　

奇雲迪布尼上季表現出色，當選英超最佳球員，曼城已經同佢傾妥續約加薪，不過新合約遲遲仍未生效，主要原因係迪布尼嘅經理人上周涉嫌瞞報賬目被捕，而舉報者正正就係迪布尼本人。

話說2015年迪布尼由禾夫斯堡轉會曼城，轉會費為7500萬歐元，當時佢經理人Patrick De Koster及其合伙人收取10%佣金，不過交易過程中有人涉嫌逃稅及瞞報賬目，卒之被迪布尼發現，於是挺身舉報。

據報Patrick De Koster上周四(27日)被比利時警方拘捕，現時在監獄等候審訊，佢近日為迪布尼同曼城續約一事暫時就搞唔到；在曼城新一份合約中，迪布尼周薪由28萬鎊加到35萬鎊，睇情況迪布尼要換個經理人先得囉。