【有片】久保建英「迎新會」獻唱多啦A夢！

足球博彩神器，每日重心提供盡在《彩報》：http://win.on.cc/football/　

「日本美斯」久保建英上季喺馬略卡表現出色，但係隨著球隊降落西乙，皇家馬德里決定今季將佢外借到另一支西甲球隊維拉利爾，為期1年。

19歲嘅久保建英去到維拉利爾之後，馬上參與球隊訓練，其中一球後腳高難度射門，更完美表現出佢嘅精湛技術同即興創作能力。久保建英當時喺禁區接應隊友左路傳中，點知個波交後左，佢即刻喺前柱位改用後腳攻門，令龍門完全冇唒反應。

除左訓練表現出色，久保建英亦好快同隊友打成一片。佢食飯個陣突然喺隊友面前，唱出日本卡通多啦A夢嘅主題曲，搞到成班隊友鬼死咁開心。