捷克2人中招！全隊拒絕鬥蘇格蘭

足球博彩神器，每日重心提供盡在《彩報》：http://win.on.cc/football/　

捷克國家隊有2位職員確診新冠肺炎，主將柏德列舒希克、湯馬士蘇錫克為密切接觸者，該國足總為免再有球員中招，擅自宣布取消下周二(8日)凌晨主場對蘇格蘭嘅歐國聯比賽。

柏德列舒希克、湯馬士蘇錫克已經接受緊隔離，並冇出戰周六(5日)凌晨歐國聯作客斯洛伐克，但捷克仍然以3比1取勝。

不過，捷克足總卻宣布，因為現時疫情嚴重，決定唔踢下周二(8日)凌晨主場對蘇格蘭嘅歐國聯比賽。

捷克足總已經將有關決定，通知歐洲足協，仲等緊對方回覆。歐洲足協早前曾發表聲明，如果一支國家隊可以召集到13位球員，包括1位後備門將，比賽就應該繼續舉行。如果對賽雙方同意，歐洲足協亦可以將比賽改期，甚至用抽籤決定勝負，或者判蘇格蘭贏。