【人物誌】打不死「新王子」斷腳都要扭

2020年09月06日 19:01
東網電視
更多新聞短片
(Getty Images)
足球博彩神器,每日重心提供盡在《彩報》:http://win.on.cc/football/ 
意大利上場歐國聯僅逼和波斯尼亞1比1,領隊文仙尼表示鋒線球員缺態,導致攻力不足,預料周二(8日)凌晨作客荷蘭,將會變陣,除咗意甲神射手恩莫比尼會恢復正選之外,羅馬「新王子」尼高路辛尼奧路亦有望擔正,為球隊注入進攻新力量。
21歲嘅尼高路辛尼奧路被譽為自托迪之後,意大利最天才橫溢嘅進攻中場,佢同時可以勝任翼鋒,多才多藝。
呢位新星最擅長個人盤扭突破,佢喺今年1月意甲為羅馬對祖雲達斯,試過由中圈位置開始盤球,但喺禁區前遭對手夾擊,導致重傷,長抖達半年。
不過,尼高路辛尼奧路並未驚過,佢復出後繼續用呢種「亡命踢法」,7月對史帕爾一役,佢再次表演千里走單騎,由後半場一直盤球,殺入對手禁區後,再用假動作呃過對手,瀟灑射入,「新托迪」之名當之無愧,早前更有傳皇馬計劃收購尼高路辛尼奧路,接替老將莫迪歷,足以證明佢潛力優厚。
去片睇辛尼奧路狂扭入波https://bit.ly/3jNIhco 
尼高路辛尼奧路上場歐國聯,71分鐘後備上陣,雖然時間唔多,都有1次頭槌攻門,幾乎入波,喺右路突破亦好有威脅。
事實上,尼高路辛尼奧路僅為意軍上陣6次,已經入咗2球,呢位小伙子精力充沛,而且藝高人膽大,意大利好需要佢為球隊注入活力,力爭打開歐國聯勝利之門。