【東體爭議】馬迪爾復活!可取代基沙文

2020年09月07日 15:01
東網電視
更多新聞短片
(Getty Images)
足球博彩神器,每日重心提供盡在《彩報》:http://win.on.cc/football/ 
法國上場歐國聯小勝瑞典1比0,出現1位「熟悉的陌生人」,就係安東尼馬迪爾,呢位曼聯前鋒相隔2年半之後,再次為法國披甲,雖然只係後備上陣13分鐘,但都博到1球12碼,可惜畀基沙文糟蹋射失。網民紛紛戥馬迪爾唔抵,認為佢更值得踢正選,取代長期缺態嘅基沙文。
24歲嘅安東尼馬迪爾因為前幾年喺曼聯表現陷入低谷,而遭法國領隊迪甘斯忽視,上場對瑞典之前,馬迪爾對上次為法國上陣,已經要數到2018年3月,更加喺最後關頭落選法國上屆世界盃大軍名單,錯過捧盃機會。
不過,安東尼馬迪爾上季表現大翻身,為曼聯上陣48場,射入23球,多過晒法國上場2位正選基沙文同基奧特上季入球數字,迪甘斯亦改變初衷,重召佢入伍。安東尼馬迪爾以博到1球12碼,證明自己能力不在「雙基」之下。
事實上,法國鋒線已到改朝換代嘅時候,基奧特就快34歲,而且只係車路士後備球員,難當大任。基沙文自從加盟巴塞隆拿後,無復當年之勇,更加連續3次為法國主射都唔入,認真尷尬,安東尼馬迪爾正好把握機會,爭取成為法國鋒線新旗幟。