【有片】廢柴變球王！巴舒亞伊刁鑽入球瀟灑
20200909
東網電視
更多新聞短片
立即去片睇巴舒亞伊入靚波https://bit.ly/2FbK3W7
車路士大後備巴舒亞伊踢比利時國家隊，變身球王！呢位26歲前鋒喺周三(9日)凌晨歐國聯A2組取代盧卡古，以正選上陣，立即個人梅開二度，協助比利時以5比1大勝冰島，巴舒亞伊其中一個入球，更加係高難度嘅後腳射門，非常瀟灑。
冰島雖然由前鋒法迪莊臣射入先開紀錄，但之後成為比利時嘅世界，迅速由韋素入波扳平，轉個頭韋素遠射被門將撲出，巴舒亞伊近門補射入網，為比利時反超前。
下半場開波5分鐘，奇雲迪布尼妙傳梅頓斯入波，最精彩一幕喺69分鐘出現，禾沙治亞倫左路傳中，巴舒亞伊衝前用後腳射入，令人驚喜，因為佢以往比賽經常浪費機會，上季英超為車路士上陣16次只入1球，估唔到今場可以梅開二度，而且射入咁高難度嘅入波。
由於車路士早前有球員感染新冠肺炎，連帶巴舒亞伊都需要隔離，缺陣上場歐國聯對丹麥，今場復出立即有佳作，實在難得。
比賽末段，奇雲迪布尼又有助攻，由謝利美杜古射入，贏夠5比1。比利時2戰2勝，以2分距離力壓英格蘭，排小組榜首。