夏維斯指明要29號　車路士即放湯姆利

足球博彩神器，每日重心提供盡在《彩報》：http://win.on.cc/football/　

車路士今夏瘋狂買球星，最矚目嘅當數德國新天王夏維斯，唔少球迷都認為呢位天才球星，將會繼承韋利安件10號波衫，不過英國媒體《The Athletic》爆料，夏維斯對自己喺利華古遜着咗4年嘅29號情有獨鍾：「夏維斯喺加盟車路士之前，已經講明想要湯姆利件29號波衫，呢個係佢喺利華古遜最鍾意嘅號碼，湯姆利亦都答應讓出。」

英國多間傳媒報道，湯姆利唔單止讓出29號，而且嚟緊仲會被外借，消息指愛華頓已經同車路士達成協議，將會借用呢位英格蘭中堅1季。車路士簽入堤亞高施華後，湯姆利嘅上陣機會將大大減少，所以領隊林柏特決定畀佢去其他球會爭取上陣機會。