古天奴留效巴塞！利物浦多賺5000萬

足球博彩神器，每日重心提供盡在《彩報》：http://win.on.cc/football/　

巴西中場菲臘比古天奴上季被巴塞隆拿外借去拜仁慕尼黑，奪得三冠王，新一季將情歸何處呢？根據古天奴嘅經理人祖拉基安透露，「古仔」會返回巴塞效力。

祖拉基安話：「拜仁慕尼黑奪得歐聯冠軍之後，巴塞隆拿教練朗奴高文已經聯絡古天奴，話佢將會係巴塞新一季重要成員，希望古天奴歸隊。古天奴已經提早9月初返回巴塞，佢想提升狀態。」

菲臘比古天奴留效巴塞隆拿，利物浦成為大贏家，因為當年巴塞向紅軍收購古天奴，交易之中有特別條款，就係古天奴為巴塞每上陣15場，利物浦就可以獲得500萬鎊(約5000萬港元)，為期6次。

菲臘比古天奴之前已為巴塞上陣75場，巴塞已畀咗5次錢，所以「古仔」只要再為巴塞上陣多15次，利物浦就可以收取最後一期500萬鎊。