巴塞7號波衫易手　來季勢打造新進攻重心

足球博彩神器，每日重心提供盡在《彩報》：http://win.on.cc/football/　　

巴塞隆拿官方宣佈7號波衫易手，原本主人古天奴上季被外借到拜仁慕尼黑，今季雖然重返球隊，不過巴塞卻決定新一季將會由法國前鋒基沙文著起7號，睇嚟巴塞有意打造佢成為新進攻重心。

今季能夠著返熟悉嘅7號，基沙文都好感謝隊友古天奴：「多謝古天奴！佢唔止係出色嘅球員，仲係偉大嘅隊友。」除咗佢自己之外，佢嘅粉絲、NBA球星杜蘭特都替佢開心，仲忍唔住喺社交網站拎住佢件新波衫拍片祝福佢。

基沙文之前無論喺皇家蘇斯達、馬德里體會定法國國家隊，一直都係著開7號，但係因為上季加盟個陣，古天奴仲喺球會，所以佢先改著17號。

唔知係咪因為「冧巴」問題，基沙文上季表現平平，西甲上陣35場，只係射入9球同交出4次助攻。今季蘇亞雷斯好大機會離隊嘅情況下，佢真係要表現好啲啦。

除咗古天奴之外，好多標誌性嘅巴塞球星都著過依件7號波衫，包括韋拿、柏度洛迪古斯、軒歷拿臣以及沙維奧拿等。