美斯Hea踢　古天奴入波幫朗奴高文首勝

足球博彩神器，每日重心提供盡在《彩報》：http://win.on.cc/football/　

巴塞隆拿早前進行開季前唯一場熱身賽，主場面對西丙球隊塔拉戈納，輕鬆以3比1取勝，一眾球員狀態相當不俗。

巴塞今場主力盡出，球星美斯、碧基、布斯基斯以及基沙文等悉數正選上陣，不過盛傳離隊嘅前鋒蘇亞雷斯同中場維達爾就連後備都無。

巴塞5分鐘已經由奧士文尼迪比利打開記錄，呢位法國國腳對上1次入波已經要數到341日前，即上年對西維爾嘅西甲比賽。加上17分鐘由基沙文射入12碼，半場領先2比1。

下半場所有球員都被換出，不過巴塞仍然保持優勢，上季外借拜仁慕尼黑嘅菲臘比古天奴，50分鐘再度為球隊射入12碼，最後巴塞維持3比1勝局，新主帥朗奴高文領軍首場就帶領球隊取勝，新球季暫時有個好開始。

巴塞隆拿西甲第1場比賽，將會喺9月27日主場面對維拉利爾。