阿古路提早傷愈　有機會復出對狼隊

足球博彩神器，每日重心提供盡在《彩報》：http://win.on.cc/football/　

曼城前鋒阿古路上季6月尾5比0大勝般尼比賽中，左膝遭遇受傷，需要去西班牙開刀做手術，原本預計季初都唔會見到佢。不過有指阿古路康復進度比想像中快，曼城今季首場英超對狼隊有機會重返球場。

英國《太陽報》報道，阿古路暫時已經感覺唔到痛楚，活動能力亦慢慢改善，有機會可以趕及對狼隊上陣。由於曼城第1輪英超延期，所以下周二凌晨(22日)作客對狼隊先會係佢哋第1場英超比賽。

阿古路季尾缺陣對曼城影響甚大，呢位32歲阿根廷國腳係曼城史上入波最多球員，各項賽事合共為曼城上陣370場，取得254個入球。佢今次重傷導致之後連續8場英超、足總盃同埋歐聯淘汰賽都缺陣，令球隊喺歐聯8強同足總盃4強提早出局。

呢位首席射手季初能夠復出將會加強曼城嘅入球能力，相信曼城領隊哥迪奧拿同球迷都好開心，至於巴西射手加比爾捷西斯預計亦會再次擔任後備。