派路有料到！祖記首場熱身賽大勝

足球博彩神器，每日重心提供盡在《彩報》：http://win.on.cc/football/　

意大利名宿派路首次以教練身份帶領祖雲達斯比賽，結果旗開得勝，喺季前熱身賽以5比0大勝意丙球隊路華拿，取得教練生涯第1場勝仗，C朗射入派路領軍之下嘅第1球，畀足面呢位41歲新帥。

祖雲達斯3位新兵古路施夫斯基、韋斯頓麥堅尼、艾法美路都有上陣，前兩者更加正選披甲，瑞典國腳古路施夫斯基立即「騷哥利」，開賽20分鐘傳畀C朗射入打開紀錄。

換邊之後，艾朗藍斯、馬高比查卡各建一功，加上20歲小將樸坦洛華補時梅開二度，送夠5隻蛋畀路華拿。

不過，今場對手始終係丙組仔，祖雲達斯並未受到考驗，呢支意甲班霸將於9月21日凌晨新球季首場聯賽主場對森多利亞，先至係派路真正「考牌戰」。