【有片】迪馬利亞向對方吐口水 公然播毒

20200914
東網電視
更多新聞短片
迪馬利亞向對方吐口水
足球博彩神器,每日重心提供盡在《彩報》:http://win.on.cc/football/ 
巴黎聖日耳門對馬賽搞到開大片,尼馬被影到拳毆艾華路蘇比朗領紅牌被逐,事件牽涉種族歧視,但原來呢件事之前,仲有單更加爆,就係上半場迪馬利亞被影到向艾華路蘇比朗吐口水,大家都知迪馬利亞之前確診過新冠肺炎,呢個時世公然播毒,如同謀殺!
事發於上半場大約37分鐘,馬賽領先1比0,迪馬利亞經過艾華路蘇比朗身邊,突然向對方「放飛劍」,命中對方面部,艾華路蘇比朗即場向球證投訴,要求使用VAR翻查片段,但冇人理佢,迪馬利亞就一面得戚,仲吐多篤口水落地添。
90年世界盃列卡特向禾拉吐口水,列卡特都被罰紅牌出場,放飛劍一幕亦成為足球歷史一部份,今時今日疫情下情況更嚴重,曾有建議球員比賽期間隨地吐口水要罰黃牌,就係驚病毒傳播。
更何況迪馬利亞唔係普通人,佢早前曾確診新冠肺炎,今場係佢康復後首仗,竟然向對方吐口水,仲吐落塊面度,向對方散播致命病毒,如同謀殺,「天使」嘅行為實在離晒大譜。