亞冠盃重開 希拉爾爆疫情照開波

20200914
東網電視
更多新聞短片
亞冠盃衞冕球隊希拉爾多人中招, 但其餘球員如常比賽
足球博彩神器,每日重心提供盡在《彩報》:http://win.on.cc/football/ 
亞洲冠軍球會盃今晚重開,進行西亞區分組賽,賽事全部安排在卡塔爾中立場,以賽會制形式舉行,衞冕嘅沙特阿拉伯球隊希拉爾將會對烏茲別克球隊柏克塔哥,但賽前檢測,有7人呈陽性,當中希拉爾就有5個球員及1名職員確診,希拉爾少咗5個球員,各位投注人士要睇路呀!
受疫情影響,亞冠盃分組賽喺2月踢咗2輪之後就暫停,等到依家改以賽會制重開,西亞賽區集中喺卡塔爾舉行,東亞賽區嗰邊另外搵場地,賽會規定各隊出發去卡塔爾前,必須通過核酸檢測,其中A組球隊阿爾華達爆發疫情多人中招,全隊未能如期前赴卡塔爾,亞洲足協以退賽方式處理,賽事未重開已少咗1隊。
各隊抵達卡塔爾後,要再接受一次檢測,結果驗出7人中招,有6人來自上屆冠軍希拉爾,包括5名球員及1名職員,另一人來自卡塔爾球隊艾杜哈尼,全部要隔離14日。
多人中招嘅希拉爾今晚繼續上陣,將會出戰烏茲別克嘅柏克塔哥,兩隊喺B組同為2戰2勝,今場關乎榜首誰屬,據報道希拉爾中招球員全部係沙特土炮,幾位外援未受影響,會如常上陣,實情如何,稍後睇埋出場名單就知。