阿蘇收巴塞通知　叫佢學巴利齋坐唔踢

足球博彩神器，每日重心提供盡在《彩報》：http://win.on.cc/football/　

皇馬有個加里夫巴利，大半季齋坐唔踢，結果上季重奪西甲冠軍，勢估唔到巴塞今季都有機會出現類似情況。西班牙傳媒報道，蘇亞雷斯已收到巴塞通知叫佢轉會，如果留隊嘅話，就會全季都坐上看台，唔使佢踢，咁佢咪變巴利2.0？

《每日體育報》報道，蘇亞雷斯近日已暫停與祖雲達斯嘅轉會談判，希望可以隨跟老友美斯留喺巴塞，不過朗奴高文不予理會，日前熱身賽阿蘇未被列入上陣名單，佢亦被告知，今季唔會派佢上陣。

巴塞另一棄將拿傑迪錫願意接受減薪轉會安排，獲得會方歡送離開，但哨牙蘇堅持要收足年薪1500萬歐元，事情急轉直下，卒之搞到變咗巴利2.0，巴塞索性叫佢嚟緊一季齋坐唔使踢，坐到約滿。