狼隊冇跌Watt 贏波賀紐奴續約3年

20200915
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
今季無緣歐洲賽嘅狼隊,周二(15號)凌晨英超首戰作客2比0擊敗錫菲聯,用表現證明佢哋仍然屬於英超勁旅行列,一眾新加盟球員表現亦都對辦,對於賽前正式同狼隊續約3年嘅領隊紐奴,無疑係最佳嘅賀禮。
狼隊季前只係賣走馬特杜靴迪一名主力,盛傳被挖角嘅魯爾占美尼斯、艾達馬查奧爾等都留隊,賽前更獲葡萄牙主帥紐奴正式動筆續約3年,為球隊打下強心針。狼隊今場開局亦順到冇朋友,魯爾占美尼斯開波3分鐘就入波,路曼沙斯喺6分鐘再入1球,狼隊就憑住開波6分鐘嘅閃擊贏2比0完場。
狼隊今場有3名新兵首演,由里昂加盟嘅巴西左翼衛費蘭度馬卡爾踢足90分鐘,助攻助守表現出色,葡萄牙嘅維拿基同丹麥嘅奧斯卡貝亞兩位守將亦都後備登場,紐奴賽後亦特別讚賞費蘭度馬卡爾:「佢係一個好有經驗嘅球員,融入球隊非常理想,佢依家已經踢出狀態,我好滿意佢嘅表現。」