尼馬面臨停賽7場　皮耶寸佢係狗

足球博彩神器，每日重心提供盡在《彩報》：http://win.on.cc/football/　

巴黎聖日耳門(PSG)法甲開咧2連敗，上場對馬賽更出現打鬥事件，尼馬聲稱受到種族歧視，出拳打向馬賽後防艾華路蘇比朗後食紅牌。據法國媒體《RMC》報道，尼馬今次出手打人證據確鑿，好可能會受到停賽7場嘅嚴厲處分。

尼馬賽後不斷狙擊艾華路蘇比朗，承認自己行為愚蠢之外，亦要求同對方「攬炒」，尼馬喺社交網表示：「種族歧視係真實存在，但我哋唔能夠容忍，我接受自己將會受到嘅懲罰，但同一時間，我希望罪魁禍首都一樣受到懲罰，嗰個人(艾華路蘇比朗)係蠢才，我中咗佢嘅計，我都係個蠢才。」

不過，馬賽就發出聲明，指所有隊友都可以證明艾華路蘇比朗唔係種族主義者，更批評巴西傳媒公開艾華路蘇比朗嘅私人電話，令佢受到滋擾同死亡恐嚇。至於馬賽中場皮耶就喺IG玩嘢，貼相將尼馬個頭P喺隻狗上，寸尼馬係狗。