曼城睇中馬體會中堅　出價1億都被拒絕　

足球博彩神器，每日重心提供盡在《彩報》：http://win.on.cc/football/　

曼城教練哥迪奧拿一向對後防不滿，繼今夏買入尼敦阿基之後，西班牙《馬卡報》指曼城希望以1億鎊(約9億9千萬港元)，簽下西甲馬德里體育會中堅荷西基文尼斯，不過已經畀馬體會拒絕。

馬德里體育會CEO基爾馬連表示，球隊視荷西基文尼斯為絕對主力，除非曼城支付1億2千萬鎊違約金，否則唔會放人。

26歲嘅荷西基文尼斯，上年先同馬體會續約去到2023年。依位烏拉圭中堅效力球隊6年，喺防守大師施蒙尼指導下成為頂級中堅，可惜一直受傷患影響，近幾季只能夠喺西甲上陣大約20場。

由於曼城陣中兩位中堅史東斯、艾利加西亞，盛傳會轉投愛華頓同巴塞隆拿，所以球隊後防線唔太夠人。除咗荷西基文尼斯之外，拿玻里嘅高列巴尼都係曼城目標之一。