首仗報捷　肥安加碼斟意甲兵

足球博彩神器，每日重心提供盡在《彩報》：http://win.on.cc/football/　

愛華頓開咧戰擊敗熱刺，幾位新兵占士洛迪古斯、阿倫盧利奧同杜哥利都有料到，領隊安察洛堤即時加碼，繼續向意甲班兵增強陣容，目標人物係拖連奴巴西中堅基爾臣比爾馬。

英國《回聲報》報道，肥安今次睇中23歲嘅基爾臣比爾馬，呢位巴西守將出身巴甲明尼路，2年前加盟拖連奴，2季上陣42場入5球，上季是球隊必然正選，與拖連奴尚有3年合約。

根據網站《轉會市場》估價，基爾臣比爾馬身價大約為500萬歐元，愛華頓首仗旗開得勝，安察洛堤當然心雄，加碼增兵壯大陣容亦好合理，如果拖連奴叫價唔貴，球員又願意跟佢去英超，相信呢單交易唔係冇機會。