維拉英聯盃晉級　基亞利殊入波賀續約

足球博彩神器，每日重心提供盡在《彩報》：http://win.on.cc/football/　

盛傳係曼聯收購目標嘅英格蘭中場基亞利殊，周二(15號)宣布同阿士東維拉續約5年，粉碎今夏離隊傳聞，佢喺周三(16號)凌晨嘅英聯盃第2圈賽事，更入波帶領球隊晉級嚟慶祝續約。

現年25歲嘅基亞利殊早前實現英格蘭國家隊首演，隨即決定同球會續約5年，基亞利殊表示：「維拉係我嘅球會，班主好清晰咁展現出球會嘅雄心同計劃，我相信未來係會令人興奮。」

維拉喺英聯盃第2圈作客伯頓，雖然開波2分鐘就先失1球，不過貴價新前鋒奧尼屈堅斯39分鐘追平，基亞利殊完場前2分鐘攻入反勝1球，補時階段基倫戴維斯為維拉鎖定勝局，贏3比1晉級。