施丹熱身賽試兩陣 賓施馬食出「大四喜」

20200916
東網電視
更多新聞短片
(Getty Images)
西甲今個禮拜開鑼,爭取衞冕皇馬周二晚喺開季前唯一嘅熱身賽盡顯霸氣,6比0大勝基達菲,賓施馬更演入球騷食出「大四喜」。
呢場熱身賽閉門進行,皇馬禁止任何傳媒入場,據消息指施丹用咗兩個唔同嘅陣容,半場已經領先6比0,最後以呢個比數完場,其中老將賓施馬入4粒、沙治奧拉莫斯同埋B隊嘅小將阿里巴斯卡禾各有一球。
馬田奧迪加特同埋夏薩特分別因傷及未在狀態冇上陣,據《阿斯報》指出,夏薩特同準備返英超嘅加里夫巴利喺熱身賽中途早退,喺上半場大約半小時,就見到巴利駕車離去,夏神就喺半場完咗之後走人。
西甲開賽之後仍然會閉門進行,皇馬周日深夜嘅開咧首戰會對住皇家蘇斯達。