京士利高文接觸確診者 德甲開鑼勢缺陣
20200916
東網電視
更多新聞短片
歐洲冠軍拜仁慕尼黑喺周六(19號)凌晨德甲開鑼戰，將會主場迎戰史浩克04，不過法國翼鋒京士利高文就好大機會缺陣，因為佢早前曾經同新冠肺炎確診者接觸，依家正接受家居隔離。拜仁指京士利高文喺周日(13號)曾經接受檢測，結果呈陰性。
拜仁慕尼黑發出聲明證實：「根據慕尼黑衛生部門嘅指引，24歲嘅京士利高文之前曾經同新冠肺炎確診者進行接觸，所以現正在家進行隔離，佢會喺屋企透過視像接受模擬訓練。」雖然德文版本嘅聲明並冇提到京士利高文要隔離幾耐，但英文版本就提到呢位法國小將會缺席德甲開鑼戰。