卡索拉又入波 4場入5球2助攻

20200916
東網電視
更多新聞短片
西班牙老將辛迪卡索拉加盟卡塔爾球隊艾薩德之後,瘋狂入波,呢位35歲中場喺周二(15日)晚亞冠盃D組作客艾阿恩,又射入1球,協助艾薩德打和3比3。辛迪卡索拉至今艾薩德上陣4場,射入5球及2次助攻,認真犀利。
艾薩德上半場落後1比2,換邊後冇幾耐,辛迪卡索拉喺禁區頂勁射入網,為球隊扳平2比2,轉個頭艾薩德更加反超前3比2,但最後都係被艾阿恩逼和3比3。
雖然艾薩德未能贏波而回,但辛迪卡索拉嘅出色表現,仍然獲得各界讚賞,被稱為轉會市場「神簽」。事實上,艾薩德獲得呢位前阿仙奴中場加盟之後,實力大為增強,近4場取得3勝1和,合共入咗15球。