減薪都肯？麥巴比想去皇馬有原因

即上韓職刨績王：https://win.on.cc/football/league/kd1/rank.html　

巴黎聖日耳門啱啱喺法甲開季好似運氣唔係太好，陣中多人確診新冠肺炎，開季已經連輸兩場，今晚對住梅斯睇吓佢哋有冇得開齋。

最近有消息佢哋陣中王牌基利安麥巴比同皇馬密密斟，傳媒爆料話呢位法國球星願意減薪過檔。據《El Chiringuito》節目話麥巴比期待皇馬2021年提出報價，屆時佢同PSG嘅合約只剩一年。

報道指麥巴比為咗去銀河鑑隊願意接受減薪，目前佢喺PSG嘅人工大約係周薪40萬歐元。其實，佢想去皇馬早已經係公開嘅秘密，佢曾經講過皇馬有三個唔同嘅偶像，一個係現任主帥施丹，另一個係C朗拿度，曾經同佢握手已經開心到飛起，而大哨朗拿度嘅踢波方式亦吸引住佢，所以可以話去皇馬本身就係佢嘅夢想。

不過，PSG都唔想等最後一年先同麥巴比傾續約，已提出將佢嘅周薪提高至65萬歐元。